News and Notices

ललितपुर महानगर भित्रबाट संकलित फाेहाेर मैला व्यवस्थापनकाे शिलसिलामा हाल व्यवस्थापन गरिएकाे साइट (शिसिडाेल) मा प्राविधिक समस्या उत्पन्न भई फाेहाेर मैला उठाउन नसकिएकाे कारण केही समस्या उत्पन्न भएकाे व्यहाेरा जानकारी गराउछाै । साथै साेकाे दीर्घकालिन व्यवस्थापन तथा वैकल्पिक व्यवस्थाकाे लागि समेत महानगरपालिकाले अावश्यक पहल गरिरहेकै छ । तसर्थ केही समयका लागि फाेहाेर मैलाकाे उचित व्यवस्थालन गर्न सम्भव नभएकाेले नगरवासीहरुले अस्थाई रुपमा अाफ्नाे प्रयासबाट स्थानीय घर, अफिस कम्पाउण्ड भित्रै अल्पकालिन व्यवस्थापन गरी सहयाेग गरिदिनुहुन सम्पूर्ण महानगरवासीहरुमा हार्दिक अनुराेध सहित याे विज्ञप्ती प्रकाशित गरिएकाे छ ।

पुनश्च ललितपुर महानगरपालिकाले यथाशिघ्र फाेहार मैला व्यवस्थापन गर्ने व्यहाेरा सबैमा अनुराेध गरिन्छ ।

                                                                                                                                            राजु महर्जन 

                                                                                                                                               प्रवक्ता

Upload Date:
२०७४।०५।१२

सूचना   !!      सूचना  !!     सूचना !!
“कर बर्ष २०७४” को उपलक्ष्यमा आ.ब. २०७४÷०७५ भरी नै मालपोत, घर जग्गा तथा व्यवसाय करमा भारी छुटको व्यवस्था गरिएको जानकारी गराउँदै समय भित्र कर बक्यौता चुक्ता गर्नुहुन हार्दिक अपिल गर्दछ ।
   हालको व्यवस्था अनुसार मालपोत, घर जग्गा तथा व्यवसाय करको जम्मा बक्यौता रकममा १०५ छुट गरिएको र बिगतका बर्षहरुको बाँकी बक्यौतामा नियमानुसार लाग्ने जरिवाना शत प्रतिशत छुट गरिएको जानकारी गराईन्छ । 
    साथै महानगरबासीहरुको सुविधाको लागि २०७४ श्रावण ९ गते सोमबारबाट बिहान ७ः०० बजे देखि बेलुकी ७ः०० बजे सम्म मालपोत काउण्टर खुल्ला रहने व्यवस्था गरिएको पनि यसै सूचना मार्फत जानकारी गराईन्छ ।

राजु महर्जन
प्रबक्ता, ललितपुर महानगरपालिका

Upload Date:
२०७४।०४।२३

ललितपुर महानगरपालिकाका प्रमुख चिरीबाबु महर्जनसँग फ्रेन्च राजदूत इभकारमोनाले उहाँको कार्यकक्षमा भेटघाट गर्नुभयो ।सो अवसरमा नगर प्रमुख महर्जनले ऐतिहासिक पाटन दरबार स्क्वायर  भ्रमणमा आउने पर्यटकहरुको समायवधि बढाउनका लागि पूर्वाधार तयार गनुपर्ने, पाटनका मूर्तअमूर्त सम्पदाहरुको संरक्षण सम्बद्र्धन गर्नका लागि आवश्यक सहयोग र समन्वय गरी अघि बढाउनुपर्ने कुरा औल्याउनुभयो ।त्यस अवसरमा राजदूत इभकारमोनाले दुई देश बीचको सम्बन्धलाई प्रगाढ बनाउनु पर्ने कुराको चर्चा गर्दै काठमाण्डौँ उपत्यकामा ट्राफिक जाम न्यूनिकरण गर्न केबल कारको सम्भाब्यता अध्ययन अघि बढाउने कुरामा जोड दिनुभयो । 

                                                                                                                                                                                          प्रवक्ता एवं वडा ९ अध्यक्ष
                                                                                                                                                                                                   राजु महर्जन
 

Upload Date:
२०७४।०४।१०

ललितपुर महानगरपालिका अमूर्त सम्पदाले भरीपूर्ण महानगरको रुपमा परिचित छ । बर्षेनि ठूलो संख्यामा विश्वभरका पर्यटकहरुको यस महानगरको मौलिक परम्परा र संस्कृति हेर्न आउने गर्दछन् । तर यस महानगरपालिका भित्र अवस्थित मौलिक, सांस्कृति र परम्परागत महत्वले भरिपूर्ण स्थानहरुको भ्रमणको क्रममा पर्यटकहरुले अव्यवस्थित सडक र यातायातको कारणले समस्या भोग्नु परिरहेको छ,  राष्ट्रकै प्रमुख क्षेत्रको रुपमा रहेको यस पर्यटन क्षेत्रले आसातित उपलब्धी हाँसिल गर्न सकिरहेको छैन ।
सोही समस्यालाई न्यूनिकरण गरि भविष्यमा निर्मूल गर्न अत्यावश्यक देखिएको छ । जसलाई सम्बोधन गर्न मिति २०७४ श्रावण ५ गते बिहीबारका दिन महानगर प्रमुखज्यूको कार्यकक्षमा जाईकाको उच्चस्तरीय प्रतिनिधिमण्डल र महानगरपालिकाको तर्फबाट नगर प्रमुख चिरीबाबु महर्जन, उप प्रमुख गीता सत्याल , कार्यकारी अधिकृत र वरिष्ठ ईन्जिनियर रुद्र प्रसाद गौतमको उपस्थितिमा संयुक्त बैठक सम्पन्न भएको छ । उक्त बैठकमा पुल्चोक देखि कुपण्डोलसम्म निर्माण गर्न भनिएको फ्लाई ओभर निर्माण गर्न आवश्यक अध्ययन गर्ने सम्बन्धमा बृहत छलफल भएको छ ।

                                                                                                            राजु महर्जन
                                                                                                 वडा न‌ं ९ अध्यक्ष एवं प्रवक्ता

 

Upload Date:
२०७४।०४।०६

Pages